საქართველოს ნაკრებმა სეგრტის თავკაცობით პირველად ივარჯიშა

საქართველოს ფეხბურთელთა ეროვნულმა ნაკრებმა, მთავარი მწვრთნელის მოვალეობის შემსრულებლის პეტარ სეგრტის თავკაცობით, პირველი ვარჯიში, გლდანში, საფეხბურთო კლუბ “ამერის” სტადიონზე გამართა.
წვრთნაში მონაწილეობა მიიღეს – მეკარეებმა: გიორგი ლომაიამ, გიორგი მაკარიძემ, როინ კვასხვაძემ, ზურაბ მამალაძემ, გიორგი ლორიამ, რევაზ თევდორაძემ; მინდვრის ფეხბურთელებმა: ზურაბ ხიზანიშვილმა, ლევან ცქიტიშვილმა, დავით კვირკველიამ, ლევან ყენიამ, ლაშა სალუქვაძემ, რატი ალექსიძემ, დავით ოდიკაძემ, მიხეილ ხუციშვილმა, რევაზ ბარაბაძემ, დიმიტრი ტატანაშვილმა, ვახტანგ ფანცხავამ, ალექსანდრე კვახაძემ, ბექა გოცირიძემ, ირაკლი კლიმიაშვილმა, გიორგი მერებაშვილმა, უჩა ლობჟანიძემ, გიორგი ხიდეშელმა, მირზა ბჟალავამ, ამირან სანაიამ.
ეროვნულ ნაკრებში გამოძახებულ სპორტსმენთაგან, დღევანდელ ვარჯიშში არ ჩართულან: მალხაზ ასათიანი, დავით მუჯირი, ზურაბ მენთეშაშვილი, ლევან კობიაშვილი, კახა კალაძე, დავით დევდარიანი, გიორგი ნავალოვსკი და ალექსანდრე იაშვილი, თუმცა, ხვალინდელ წვრთნაზე, ლევან კობიაშვილის გარდა, ყველა ეს ფეხბურთელი იქნება.
როგორც გუნდის მთავარმა მწვრთნელმა პეტარ სეგრტმა გუშინდელ პრესკონფერენციაზე განაცხადა, კობიაშვილი 24 მაისს, პირდაპირ ტალინში ჩაფრინდება.
მომავალ ამხანაგურ მატჩებში ესტონეთთან და პორტუგალიასთან სათუოა კახა კალაძის თამაში, რომელსაც ტრავმა აწუხებს, თუმცა, კალაძე თბილისში ჩამოფრინდება და გუნდს შეუერთდება, ამის შემდეგ კი, ადგილზე გადაწყდება, მიიღებს თუ არა სპარინგებში მონაწილეობას.
დღევანდელი ვარჯიში გამოტოვა დავით დევდარიანმაც, რომელსაც მცირე ტრავმა აწუხებს, მაგრამ ნაკრებების მენეჯერის თამაზ ბოკერიას განცხადებით, იგი ხვალ მწყობრში იქნება.
საქართველოს ეროვნული ნაკრები, 27 მაისს, სტუმრად ესტონეთის ეროვნულ გუნდს შეხვდება, ხოლო 31 მაისს, პორტუგალიაში ადგილობრივ ეროვნულ ნაკრებს დაუპირისპირდება.
პეტარ სეგრტს საწვრთნელ პროცესში ეხმარებიან: გელა შეყილაძე, ლევან ხომერიკი, ასლან ბალაძე, ოთარ გაბელია, მამუკა აბუსერიძე და სერგო კოტრიკაძე